Сыстыганнаах дьаҥынан сибээстээн үгүс үбүлүөйдээх тэрээһиннэр кэлэр сылга көһөрүллэн эрэллэр.
edersaas.ru
Ол курдук, Бүлүү улууһун Тылгыны нэһилиэгин 100 сыллаах үбүлүөйүн үөрүүлээх быһыыга-майгыга бэлиэтээһин 2021 сылга көһөрүлүннэ.
— Былааннаммыт тэрээһиннэр кэлэр сылга ыытыллыахтара. Быйыл күһүн нэһилиэк үбүлүөйүгэр анаммыт Мэҥэ тааһы туруоруохпут. Бу тэрээһин туһунан социальнай ситимнэринэн сырдатыахпыт, — диэн Тылгыны нэһилиэгин дьаһалтатын инстаграмыгар баһылыгы солбуйааччы Христина Васильева суруйда.
Үбүлүөйдээх Мэҥэ таас анныгар 50 сылынан арыллыахтаах анал «Кэм капсулата» угуллуохтаах. Онно Тылгыны нэһилиэгин олохтоохторо кэлэр көлүөнэҕэ аадырыстаммыт суругу суруйуохтара.
Елена ПОТОЦКАЯ, «Саха сирэ» хаһыат, edersaas.ru
Хаартыска — Тылгыны нэһилиэгин дьаһалтатын инстаграмыттан.
+1
+1
+1
+1
+1
+1
+1