Тыл үөрэхтээхтэрэ Саха сирин бырайыактарыгар үлэлэрин саҕалаатылар

Ааптар: 
Бөлөххө киир:

РНА СС гуманитарнай чинчийии уонна хотугу аҕыйах ахсааннаах омуктар проблемаларын институтун саха тылыгар салаатын билимҥэ үлэһиттэрэ СӨ судаарыстыбаннай бырагырааматын иитинэн олоххо киирэр бырайыактарга үлэлэрин саҕалаатылар.  

 

“2020-2024 сс. СӨ судаарыстыбаннай уонна официальнай тылларын чөл хаалларыы уонна сайыннарыы” судаарыстыбаннай бырагыраама тэрээһиннэрин испииһэгэр киирбит сүрүн бырайыактар уонна билим-чинчийэр үлэлэр:

— “Нуучалыы-сахалыы юридическай тылдьыт: холуобунай быраап уонна хаамыыта”;

— “Сахалыы-нууччалыы тиэрмин тылдьыта (сүөһү иитиитэ)”;

— “Саха тылын туругун кэтээн көрүүгэ фольклор-лингвистика, социолингвистика эспэдииссийэлэрин тэрийии уонна ыытыы”;

— “Сонуну киэҥник тарҕатар сириэстибэлэргэ саха тылын литэрэтирнэй нуорматын тутуһууну кэтээн көрүү”.

Итини таһынан, институт устуоруйатыгар саамай бөдөҥ бырайыагы, 46 сыл устата үлэлэспит XV туомнаах “Саха тылын улахан быһаарыылаах тылдьытын” сыыппараҕа көһөрүү үлэтэ салҕанар. Ол курдук, “Саха тылын улахан быһаарыылаах тылдьытын” систиэмэлээһинин тэрийиигэ былааннанар:

— скан куоппуйалаах даннайдары электроннай баазаҕа угуу уонна тэрийии;

— бырагырааматын оҥоруу;

— саҥа синтезаторын оҥоруу.

“Оҥоһуулар бары араас саастаах киэҥ араҥаҕа, харахтарынан хааччахтаах дьоҥҥо суоттаналлар, — диэн саха тылын салаатын сэбиэдиссэйэ, тыл билимин дуоктара Надежда Данилова бэлиэтиир. – Саха тылын XV туомнаах тылдьытын матырыйаалларын тылын-өһүн матырыйаалларын саҥардыы, кумааҕы көрүҥтэн электроннайга көһөрүү кинигэни кытта ыраахтан олорон үлэлиир кыаҕы биэриэҕэ”.

Тылдьыт электроннай барыйаана ахсааныгар хааччах суох буолан үбү биллэ кэмчилиэҕэ, биир кэмҥэ төһө баҕарар киһи көрүөҕэ итиэннэ ким баҕарар, ол иһигэр оскуола үөрэнээччилэрэ, устудьуоннар, преподавателлэр, тылбаасчыттар, билим, сонуну киэҥник тарҕатар сириэстибэ үлэһиттэрэ туһанар кыахтаахтар.

Саха тылын дорҕоонун бары ураты усулуобуйата уонна сокуона тутуһуллар буолан, тыл-өс синтезатора атын соҕустук саҥарыыны (акцент) туоратар. Ыраас синтезацияламмыт тиэкис матырыйааллары аудио көрүҥ систиэмэтигэр киллэрэр кыаҕы биллэ кэҥэтиэҕэ, ону тэҥэ, мөлтөхтүк көрөр дьон киирэн туһаныаҕа.

Бырайыактары олоххо киллэрии сүрүн координаторынан СӨ Тас сибээскэ уонна норуоттар дьыалаларын министиэристибэтэ буолар. Бырайыак үлэтин 2022 сыл ахсынньы 10 күнүгэр диэри бүтэрэр былааннаахтар.

+1
0
+1
0
+1
0
+1
0
+1
0
+1
0
+1
0