Хоруона хамсыгар хаайтаран олорбуппут сыл аҥаарыттан орто. Онон дьон-сэргэ онно-манна сылдьыан, аралдьыйыан баҕарара улаатта.
Маныаха көмүс күһүнү кытары тыйаатырдар үлэлэрэ саҕаланна. Аҕыйах ахсааннаах төрүт олохтоох хотугу норуоттар тыйаатырдарыгар уонна Нерюнгрига куукула тыйаатырыгар дьон доруобуйатыгар кутталы үөскэппэт туһуттан, дезинфекциялыыр үлэлэр тиһиктээхтик салҕаналларын туһунан иһитиннэрэллэр. Тэрилтэлэр истэрин салгылаталлар, сууйаллар-сотоллор, кварцевай лаампалары холбууллар. Иһирдьэ дьон сылдьар сиригэр барытыгар 1,5 миэтэрэ социальнай дистанция тутуһуллуохтааҕын көрдөрөр бэлиэлэр оҥоһуллубуттар, анал сириэстибэлэр ууруллубуттар. Оттон көрөөччүлэри мааскалаах, бэрчээккилээх тыйаатыр үлэһиттэрэ көрсөллөр.
Билигин ирдэбил ханна да кытаатан турар. Оттон ону, тэрилтэлэр булгуччу тутуһаллар. Дьон-сэргэ ону өйдүөх, мааскалаах сылдьары тутуһуох, атыттар доруобуйаларын эмиэ харыстыах тустаах.
+1
+1
+1
+1
+1
+1
+1