«Тыгын оонньуутун» муҥутуур кыайыылааҕынан Алексей Уваровскай буолла!

Икки күннээх тура тэбинэн туран киирсии түмүгүнэн, «Тыгын оонньууларын» муҥутуур кыайыылааҕынан  Кэбээйиттэн төрүттээх, баарас-суоҕа 23 саастаах Алексей Уваровскай буолла.

Иккиһи — Николай Матаннанов,  үсүһү —  Дьулустан Ноговицын ыллылар. Сүрүннээн бу үс уол илин-кэлин  былдьастылар. Кэбээйи боотура барыта  26 очукуону ылан бастаата.  Николай Матаннанов 4 эрэ очукуонан хаалбыт.  Күрэхтэһии аата күрэхтэһии, ким эрэ кыайыахтаах буоллаҕа.