Маны аах Сүрүн Уопсастыба

Балаҕан ыйын 25 күнүгэр «Тыгын Дархан» киинэни бастакытын көрдөрүөхтэрэ

«Тыгын Дархан» киинэ бастакы барыллаан көрдөрүүтүн балаҕан ыйын 25 күнүгэр Дьокуускайга Гагарин аатынан кииҥҥэ көрдөрүөхтэрэ. Киинэ уһуна — 2 чаас 25 мүнүүтэ. Бу туһунан сонуну СӨ култуураҕа уонна духуобунай сайдыыга министиэристибэтэ иһитиннэрэр.

Тэрээһиҥҥэ устар хамаанда уонна киинэ сорох хартыыналара уһуллубут улуустар бэрэстэбиитэллэрэ кыттыыны ылыахтара. «Тыгын Дархан» киинэ СӨ бырабыыталыстыбатын сорудаҕынан, Саха АССР тэриллибитэ 100 сылын көрсө уһулунна.

Саҥа киинэ сценарийын ааптардарынан Владимир Кузьмин, Никита Аржаков, режиссерунан Никита Аржаков, операторынан Юрий Бережнев, худуоһунньугунан Петр Бояров, көстүүм худуоһунньугунан Дария Дмитриева буолаллар.

Киинэни 11 улууска уһулбуттара — Ньурбаҕа, Аммаҕа, Хаҥаласка, Горнайга, Кэбээйигэ, Чурапчыга, Өймөкөөҥҥө, Дьааҥыга уонна Дьокуускайга баар «Үс Хатыҥ» комплекска. Саха тыйаатырын, Үүнэр көлүөнэ тыйаатырдарын артыыстара, Арктикатааҕы култууура уонна искусство институтун, Култуура кэллиэһин устудьуоннара, выпускниктара оруоллары толордулар. Араас оройуоннартан барыта 10 тыһыынчаттан тахса киһи кытынна.

edersaas.ru

0
0
Telegram @edersaas20

Добавить комментарий