Аан дойдуну аймаабыт COVID-19 дьаҥы бохсорго тыа дьоно-сэргэтэ кыахтара баарынан көмөлөһөллөр.
Таатта улууһун Тыараһа нэһилиэгин олохтоохторо: «Этэҥҥэ сылдьыахпытын баҕарабыт. Онон нэһилиэкпит балыыһатыгар өйөбүл оҥордохпутуна табыллар», — дэһэллэр. Оттон балыыһа кэлэктиибэ нэһилиэк баһылыгар С.В.Сунхалыровка уонна бары өйөбүл буолбут дьоҥҥо махталын тиэрдэр.
Нэһилиэк баһылыга Святослав Сунхалыров:
—Дьаҥ туран, ханна да, уустук балаһыанньа аан дойдуга үөскээбит кэмигэр, биһиги түмсүүлээх, сомоҕолоһуулаах буоллахпытына, биир санаанан салайтардахпытына, бу бүрүүкээбит кэми этэҥҥэ аһарыахпыт. Биһиги нэһилиэкпит урбаанньыттара: Светлана Ефремова, Степанида Егасова, Анастасия Толстякова, «Аартык» маҕаһыын сэбиэдиссэйэ Анна Таппырова , көмөлөспүттэригэр, хаайтарыылаах кэмҥэ көстүүмнэри куораттан суоппар Николай Львов суһаллык, буор-босхо аҕалбытыгар нэһилиэк балыыһатын кэлэктиибин уонна олохтоохтор ааттарыттан махтанабыт. Бар дьоммут, бары доруобай буолуоҕуҥ, — диэтэ.