Балаҕан ыйын 25 күнүгэр Таатта улууһун Тыараһатыгар аҕам саастаахтар түмсүүлэрин көҕүлээһининэн, «Маста олорт» аахсыйа буолан ааста.
Онно сүүрбэттэн тахса киһи кэлэн, үлэ бэрт күргүөмнээхтик уонна таһаарыылаахтык ыытылынна. «Табык» эрэ дьон түмсүүтэ 19 хахыйаҕы түөрэн аҕалла, ону Аҕа дойду сэриитин кыттыылаахтарыгар анаммыт искибиэргэ олортубут.
Дьокуускай куораттан Е.В.Антонова 20 устуука акация үнүгэһин аҕалбытын спортивнай-сынньанар былаһааккаҕа олортубут. Бу үүнээйилэрбит аҕыйах сылынан нэһилиэкпитин киэргэтиэхтэрэ диэн улахан баҕалаахпыт.
Тыараһа нэһилиэгин бэтэрээннэрин сэбиэтин бэрэссэдээтэлэ Мария Попова,
edersaas.ru саайтка анаан.
+1
+1
+1
+1
+1
+1
+1