Тыа сиригэр олорор ыаллар аны 150 тыһ. солкуобай суумалаах субсидиянан туһанар кыахтаныахтара. Бу туһунан Тыа хаһаайыстыбатын министиэристибэтэ иһитиннэрдэ.
Анивера Акимова, «Саха сирэ» хаһыат, https://edersaas.ru/
Ол курдук, туһааннаах министиэристибэ «Методические рекомендации по разработке Плана реализации мероприятий на организацию самозанятости населения в сельском хозяйстве» бырайыагар олоҕуран, тыа сиригэр олорор эдэр ыаллар субсидиянан туһанар кыахтаныахтара. Харчынан көмө кыра дохуоттаах ыаллар кэтэх хаһаайыстыбаларын кэҥэттэллэригэр анаан оҥоһуллуоҕа. Ол курдук субсидия:
- сүөһүнү, көтөрү атыылаһыыга;
- хортуоппуй сиэмэтин, оҕуруот аһын арассаадатын атыылаһыыга;
- тыа хаһаайыстыбатын тутуутун саҥардыыга, өрөмүөннээһиҥҥэ;
- дьоҕус-инкубаторы атыылаһыыга;
- поликарбонат тэпилииссэни тутууга;
- тиэйии-таһыы ороскуотун толуйууга;
- тыа хаһаайыстыбатын тиэхиньикэтин саппаас чааһын атыылаһыыга;
- ыҥырыа иитиитинэн дьарыктаныыга бэриллиэҕэ.
Субсидия кээмэйэ 150 тыһ. солкуобайтан үрдүө суоҕа.
Анивера Акимова, «Саха сирэ» хаһыат, https://edersaas.ru/
+1
+1
+1
+1
+1
+1
+1