Уопсастыба

«Тыа сирин учууталларыгар олус наадалаах тылдьыт эбит…»

Соторутааҕыта «Сахамедиа» медиакиинигэр ыытыллыбыт сахалыы-нууччалыы тылынан электроннай тылдьыт биһирэмин көрөн баран,  бүгүҥҥэ диэри үгүс киһи санаатын үллэстэр.

Мэҥэ Хаҥалас Балыктаах орто оскуолатын учуутала Ангелина Говорова санаатын бу курдук үллэстэр:

Миэхэ, нуучча тылын саха оскуолатыгар үөрэтэр  учууталга, бэрт наадалаах тылдьыт тахсыбыт диэн үөрдүм. Үөрэнээччилэрбин кытта араас тиэмэҕэ научнай-практическай чинчийиилэри ыытабын. Биллэн турар, үгүс тыллары тылбаастыырга кыһалҕа буолааччы. Онон бу ХИФУ доцена учуонай Василий Мигалкин оҥорон таһаарбыт саха-нуучча тылын тылбааһа ордук туһалаах эбит диэн бэлиэтии көрдүм. Ордук оскуола оҕолоругар бэйэлэрин төрөөбүт тылларын уонна нуучча тылын үөрэтэллэригэр дириҥ билиигэ суолдьутунан буолсу диэн сыаналаатым. Саамай кэрэхсэбиллээҕэ, тыл бары өттүнэн байытыллан тылбаастанар, өйдөтүллэр эбит. Онон тыа сирин учууталлара бу бэрт наадалаах тылдьыты үлэбитигэр туһанар буоллахпыт. 

Кырдьык, олус наадалаах тылдьыт кэмигэр тахсыбытын бэлиэтиир тоҕоостоох.

 

Елена ПОТОЦКАЯ,»Саха сирэ» хаһыат, edersaas.ru

1
0

Добавить комментарий