РФ бырабыыталыстыбата 1430 №-дээх уурааҕы ылынна. Манна «Тыа сирин учуутала» бырагыраама эрэгийиэннэргэ көрүллэр быраабылалара уонна субсидияны тарҕатыы туһунан бигэргэтилиннэ. Бу докумуону Арассыыйа Үөрэҕин министиэристибэтэ РФ бэрэсидьиэнэ Владимир Путин сорудаҕынан бэлэмнээтэ.
Санатан суруйдахха, бэрэсидьиэн 2020 сылтан саҕалаан «Тыа сирин учуутала» бырагыраама быраапка тирэҕирэн олоххо киириитин сорудахтаабыта. Бу бырагыраамаҕа сурулларынан, тыа сиригэр, оробуочай бөһүөлэккэ, куорат тииптээх бөһүөлэктэргэ, 50 тыһ. диэри нэһилиэнньэлээх куораттарга үлэлии барбыт учууталларга биир кэмнээх 1 мөл. солк. төлөнөр. Маныаха уурааҕынан бигэргэтиллибит «Үөрэх сайдыыта» судаарыстыбаннай бырагыраама федеральнай бүддьүөттэн субсидия көрүллэр диэн ситэриллибитэ. Субсидия РФ субъектарыгар көрүллэригэр анаан аттаран биэриигэ уонна тарҕатыыга быраабылалар бааллар.
Федеральнай бүддьүөт 2020 сылга уонна былааннаммыт 2021, 2022 сс. бырайыагар «Тыа сирин учуутала» бырагыраама олоххо киириитигэр 2020 сылга — 1 471,8 мөл. солк., 2021 сылга — 1 083 мөл. солк., 2022 сылга — 1 043 мөл. солк. үп көрүллүбүт. «Тыа сирин учуутала» бырагыраамаҕа 2020 сылга 4,4 тыһ. учуутал кыттара былааннанар.
yakutia-daily.ru саайтан.
Хаартыска СИА саайтыттан туһанылынна.