Нацбырайыактар Тыа хаһаайыстыбата

Тыа сирин сырдатыы куонкуруһугар кыттыҥ

Арассыыйа Тыатын хаһаайыстыбатын министиэристибэтэ тыа сирин сырдатыыга «Мин сирим – Арассыыйа-2021» диэн национальнай бириэмийэ Бүтүн Арассыыйатааҕы куонкуруһун биллэрдэ.

Куонкурска сайаапкалары хомуйуу саҕаланна. Манна Арассыыйа маассабай иһитиннэрэр сириэстибэтин суруналыыстара, блогердар, фотокорреспонденнар, биирдиилээн ааптардар кытталлар. Кинилэр 2021 сыл алтынньы 31 күнүгэр диэри бэйэлэрин бырайыактарын ыытыахтаахтар. Куонкурус тыа сирин территорияларын, агротуризмы сайынарыы бастыҥ уопутун тарҕатыыга, тыа хаһаайыстыбатын оруолун үрдэтиигэ, норуот үгэстэрин уонна култуура сыаннастарын өрө тутар сыаллаах. Киирбит үлэлэри дьүүллүүр сүбэ 12 номинациянан быһаарыаҕа. Ким кэрэхсээбит, кыттыан баҕалаахтар куонкурус саайтын киирэн көрүҥ: https://agrokonkurs.ru/ Бу туһунан РФ Тыатын хаһаайыстыбатын министиэристибэтин пресс-сулууспата иһитиннэрэр.

Раиса Сибирякова, «Саха сирэ»,  edersaas.ru

0
0