«Үөрэхтээһин» национальнай бырайыак чэрчитинэн, «Хас биирдии оҕо ситиһиитэ» диэн өрөспүүбүлүкэтээҕи тосхолу олоххо киллэриигэ успуорт саалаларын өрөмүөннээһин, туһаныллыбакка турар аудиториялары успуорт кулууптарыгар, саалаларыгар уларытан оҥоруу, ону тэҥэ тэриллэринэн хааччыйыы соруга турар.
edrsaas.ru
Ол курдук, успуорт тэрилинэн түөрт сыл устатыгар өрөспүүбүлүкэ 400 оскуолата хааччылынна. Бу бырайыак чэрчитинэн быйыл тыа сирин уопсай үөрэхтээһин 25 тэрилтэтэ материальнай-тэхиньиичэскэй базаларын хаҥатаары кэтэһэллэр. Онон сотору кэминэн 16 оскуолаҕа мээчиктэри, скакалкалары, канаат араас көрүҥүн, теннис остуолларын, тээбириннэрин тиэрдиэхтэрэ. Оттон «Воркаут» спортивнай комплексы тоҕус оскуола күүтэр. Успуорт саалаларын өрөмүөннэрэ өрөспүүбүлүкэ аҕыс оскуолатыгар түмүктэнэн эрэр.
Елена ПОТОЦКАЯ, «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1