Сүрүн Экэниэмикэ

Тыа сирин ипэтиэкэтигэр субсидия быһыытынан 800 мөл. солк. көрүллүө

Икки сыл устата коронавирус дьаҥа бүрүүкээн, дойду үрдүнэн  чааһынай дьиэни тутуу ахсаана балай эмит элбээбитэ биллэр. Ол биһиги Дьокуускайбытыгар кытары көстөр.

Бу күннэргэ  РФ Бырабыыталыстыбатын Бэрэссэдээтэлэ Михаил Мишустин  тыа сирин ипэтиэкэтигэр  субсидия быһыытынан  бүддьүөттэн кэлэр сылга 800 мөл. солк. тыырылларын туһунан иһитиннэрдэ. Бу сылга  тустаах ипэтиэкэ көмөтүнэн дойду үрдүнэн 50 тыһ. тахса дьиэ кэргэн олорор усулуобуйатын тупсарбыт. «Билигин тыа сирин ипэтиэкэтин туһанааччы элбээтэ. Онон кэлэр сылга субсидия быһыытынан 800 мөл. солк.  көрөр туһунан быһаардыбыт.  Ити үп кирэдьииттиир тэрилтэлэргэ бэриллиэ. Онон тыа сирин олохтоохторо дьиэ тутталларыгар кирэдьииттэрин ставката 3 %-тан үрдүө суохтаах», — диэн премьер Михаил Мишустин  быһааран биэрбит.

 

 

 

0
0