Доруобуйа Маны аах

“Тыа сирин доктора/биэлсэрэ” бырагыраамаҕа уларыйыылар бигэргэннилэр

Арассыыйа Федерациятын бырабыыталыстыбата “Тыа сирин доктора/тыа сирин биэлсэрэ” бырагыраамаҕа уларыйыылары киллэрдэ.

edersaas.ru

Онуоха сүрүн уларыйыынан мэдиссиинискэй үлэһиттэргэ  биир кэмнээх төлөбүрү мэдиссиинискэй үөрэх кэнниттэн олорор сиригэр  үлэлии барбыт  исписэлиис ылар кыахтаммыта буолар.

Бырагыраамаҕа үрдүк уонна орто мэдиссиинискэй үөрэхтэри бүтэрбит исписэлиистэр, ол иһигэр  тус сыаллаах үөрэнии туһунан дуогабарга олоҕуран, кытталлар.

Биир кэмнээх төлөбүрү ыларга мэдиссиинискэй үлэһиттэр  ыраах нэһилиэнньэлээх пууннарга, оробуочай бөһүөлэктэргэ, куорат тииптээх бөһүөлэктэргэ эбэтэр 50 тыһыынчаҕа тиийэ нэһилиэнньэлээх куоракка олоруохтаахтар.

Бу уларыйыылар  тыа сиригэр уонна кыра куораттарга эмтиир тэрилтэлэри  үрдүк таһымнаах каадырдарынан хааччыйарга көмөлөһүөҕэ.

Бырагырааманы олоххо киллэргэ 2022 сылга федеральнай бүддьүөт суотугар 6 миллиард курдук үп көрүллүөҕэ.

Төлөбүр кээмэйэ: быраастарга – 1-2 мөлүйүөн, атыттарга нэһилиэнньэлээх пуун ханна сытарыттан көрөн, 0,5-1 мөлүйүөн. Исписэлиис ананан тиийбит сиригэр 5 сылтан итэҕэһэ суох үлэлиэхтээх.

Надежда ЕГОРОВА, «Саха сирэ», edersaas.ru

0
0
Telegram @edersaas20