Бүтүн Арассыыйатааҕы «Арассыыйа аграрнай баартыйата» бэлитиичэскэй баартыйа Саха Сиринээҕи салаата биир дойдулаахтарбытын бука барыгытын сандал сааспыт салаллан кэлбитинэн ис-сүрэхпититтэн эҕэрдэлиибит!
edersaas.ru
Тыа хаһаайыстыбатынан дьарыктаныы – бу норуот хаһаайыстыбатын биир салаата эрэ буолбатах, бу – тыа сиригэр олорор дьон-сэргэ олохторун оҥкула, көлүөнэттэн көлүөнэҕэ бэриллэр норуоттар ис туруктарын айылҕата, дойдубут кэлэр кэскилин мэктиэтэ. Бүтүн Арассыыйатааҕы «Арассыыйа аграрнай баартыйата» бэлитиичэскэй баартыйа тыа сириттэн силистэнэн-мутуктанан, дойду биир улахан баартыйатыгар тиийэ үүммүт, тыа сирин олохтоохторун олоҕо-дьаһаҕа тупсарын, сайдарын туһугар үлэлиир баартыйа буолар.
Бу дьыл кулун тутар ый 22 күнүгэр баартыйа Саха сиринээҕи салаатын отчуоттуур—быыбардыыр конференцията буолан ааста. Онно бу сыллар усталарыгар баартыйаны далааһыннаахтык, сатабыллаахтык салайан кэлбит Александр Гаврильевич Васильев үлэлиир болдьоҕо бүтэн, дэлэгээттэр эдэр кэскиллээх киһини, бааһынай хаһаайыстыба салайааччытын, Амма улууһун мунньаҕын дьокутаатын Александр Константинович Фомины Аграрнай партия Саха сиринээҕи салаатын салайааччытынан биир санаанан таллылар. Биһиги баартыйабыт ыытар бэлиитикэтэ тыа сирин олохтоохторун тыын интэриэстэрин көмүскүүр, туруорсар уонна туруулаһар, онон өссө эрчимнээхтик, сайдыыга уонна кыайыыга-хотууга үлэлииригэр бука бары бииргэ тутуспутунан дьулуһуоххайын!
Баартыйа толоруулаах кэмитиэтэ, «Саха сирэ» хаһыат, edersaas.ru сайтка анаан.