Тыа сирин 245 оскуолата спортивнай тэрилинэн, малынан-салынан хааччылынна

Ааптар: 
Бөлөххө киир:

2015-2019 сс. «Үөрэхтээһини сайыннарыы» федеральнай бырагырааманы уонна «Үөрэҕирии» национальнай бырайыагы олоххо киллэрии чэрчитинэн,  Саха сирин  245 оскуолата физкултууранан уонна спордунан дьарыктанарга спортивнай малынан-салынан, тэрилинэн хааччылынна.


Үөрэх хайысхаларыттан биир сүрүннэринэн, үөрэх кыһаларыгар үүнэр көлүөнэ доруобуйатын физическэй иитиинэн харыстааһын, бөҕөргөтүү, чэбдигирдии буолар. Ону сэргэ, физкултуураҕа уонна спорка угуйуу, оскуолалар материальнай-техническэй базаларын тупсаран спорка дьоҕурдаах оҕолор сайдалларыгар усулуобуйаны тэрийии инники күөҥҥэ турар. Маныаха «Үөрэхтээһини сайыннарыы» РФ судаарыстыбаннай бырагырааманы олоххо киллэрии чэрчитинэн, СӨ Үөрэх уонна наука министиэристибэтэ федеральнай бүддьүөттэн субсидия ыларга 2015 сылтан куонкурустарга кыттар.

Үөрэҕирии эйгэтигэр национальнай бырайыакка киирэр «Хас биирдии оҕо ситиһиитэ» эрэгийиэн бырайыагын олоххо киллэрэргэ 2019 сылтан спорт саалаларын өрөмүөннээһин, аудиторияны спордунан, физкултууранан дьарыктаналларыгар сөп түбэһэр гына оҥоруу, оскуолаҕа спортивнай кулууптары сайыннарыы, ону сэргэ, спортивнай малынан-салынан, тэрилинэн спортивнай былаһаакканы хааччыйыы үлэтэ ыытыллар. Ол түмүгэр, 2015-2019 сылларга өрөспүүбүлүкэ улуустарын 461 оскуолатыттан 245-һэ наадалаах тэрилинэн, малынан-салынан хааччылынна, ол аата 53,1% тэҥнэстэ. Санатан эттэххэ, «Үөрэҕирии» национальнай бырайыак 2019-2024 сыллары хабан ыытыллар. Онуоха «Хас биирдии оҕо ситиһиитэ» эрэгийиэннээҕи бырайыак тыа сирин оскуолаларыгар, ону сэргэ өрөспүүбүлүкэ кыра куораттарыгар олоххо киллэриллэрэ былааннанар. Оттон РФ бэрэсидьиэнэ Владимир Путин «2024 сылга диэри Российскай Федерация сайдыытын национальнай сыалларын уонна стратегическэй соруктарын туһунан» Ыйааҕар дьэҥкэ соруктар ыйыллаллар. Онно үөрэҕирии таһыма атын дойдулары кытта тэҥҥэ күрэстэһэр кыахтанарын үөрэтии сонун ньыматынан, ис хоһоону саҥардан иһии көмөтүнэн ситиһэргэ, өй-санаа сыаннастарыгар олоҕуран эргиччи сайдыылаах, үрдүк эппиэтинэһи сүгэр кыахтаах личностары иитэн таһаарыыга улахан кыһамньыны, болҕомтону ууран, сүрүн күүһү туһаайан, Российскай Федерация уопсай үөрэхтээһин хаачыстыбатынан аан дойдуга 10 бастыҥнарга киирэрин ситиһэргэ сорук туруоруллубута.

СӨ Үөрэх уонна наука министиэристибэтин пресс-сулууспата

+1
0
+1
0
+1
0
+1
0
+1
0
+1
0
+1
0