Тыа сиригэр сынньалаҥ пааркалара тутуллуохтара

Бөлөххө киир:

Уһук Илиҥҥэ 1000 тиэргэн” бырагыраамаҕа Саха сириттэн 33 бырайыак киирэн, эспэртиисэҕэ көрүллэ сылдьар. Бырайыактыыр-симиэтэлиир докумуоннарын оҥоруу, бигэргэттэрии үлэтэ бара турар.

Билиҥҥи туругунан, 7 бырайыак СӨ Тутууга сыананы оҥоруу эрэгийиэннээҕи киинигэр бигэргэнэн, тутуллар буоллулар”, — диэн Ил Дархан салалтатын иһинэн үлэлиир архитектура, куораты тутуу управлениетын пресс-сулууспата иһитиннэрэр.

Барыта 37 улуустан 124 бырайыак киирбититтэн, 75 бырайыак – Дьокуускай куоракка баар эбит. Бигэргэммит бырайыактар 2022 сыл сэтинньи 1 күнүгэр диэри тутуллан, үлэҕэ киириэхтээхтэр.

Бу — тыа сиригэр нэһилиэнньэлээх пууннар тас көстүүлэрин тупсарыыга дьоһун хардыы. Холобур, быйыл Горнай улууһун Маҕарас бөһүөлэгэр кыра паарка, Үөһээ Бүлүү Андреевскай сэлиэнньэтигэр “Күҥкү” паарка тутуллуохтара. Кэбээйи улууһун Сангаар бөһүөлэгэр уонна Ленскэйгэ хас да элбэх кыбартыыралаах дьиэлэр тэлгэһэлэрэ саҥардыллыахтара, Хаҥалас улууһун Булгунньахтааҕар култуура, сынньалаҥ паарката саҥардыллан тутуллуо.

Пааркалар аныгылыы тупсаҕай көрүҥнээх, көҕөрдүүлээх, сынньанар сирдэрдээх, оҕо оонньуур былаһааккалардаах буолуохтара. Элбэх кыбартыыралаах дьиэлэр тиэргэннэригэр эмиэ оҕо оонньуур уонна спортивнай  былаһааккалар, дьон сынньанар ыскамыайкалара, сырдатыы, о.д.а. баар буолуохтара.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0