Сүрүн Уопсастыба

Тыа сиригэр үлэлии барар учуутал 1 мөл. солк. ылыаҕа

Бэҕэһээ дойду бэрэсидьиэнэ Владимир Путин Анал этиитигэр 2020 сылтан Арассыыйаҕа “Земскэй дуоктар” бырагыраамаҕа ханыылыы “Земскэй учуутал” диэн бырагыраама киириэҕэ диэн эттэ.

edersaas.ru

Барытын каадыр быһаарар” диэн этии мээнэҕэ буолбатах. Арассыыйа үрдүнэн кытыы сирдэргэ учуутал тиийбэтин кыһалҕата сытыытык турар. Үгүстэр үөс сиргэ талаһаллар. Оттон оҕоҕо билиини анал үөрэхтээх учуутал эрэ иҥэрэр кыахтаах. Маны быһаарар сыалтан, дойду бэрэсидьиэнэ Владимир Путин эһиилгиттэн “Земскэй учуутал” диэн бырагыраама үлэлиэҕин иһитиннэрдэ. Тустаах бырагырааманан тыа сиригэр уонна кыра куораттарга үлэлии барар педагогтар 1 мөл. солк. суумалаах биирдэ бэриллэр төлөбүрү ылыахтара. “Биһиги сырдатыы уонна култуура эйгэтин ситимин быспакка бөҕөргөтүөхтээхпит”, — диэн бэрэсидьиэн бэлиэтээтэ.

Манна даҕатан эттэххэ, Саха сиригэр “Земскэй учууталга” ханыылыы бырагыраама үлэлээбитэ. Бырагыраамаҕа олоҕуран, уһук хоту уонна Арктика улуустарыгар баран биэс сыл үлэлээбит педагогтарга 1 мөл. солк. көрүллэрэ. Сыыспат буоллахпына, былырыыҥҥыттан, үп кырыымчыгынан сибээстээн, тохтоон турар. Онон, дойду хааһынатыттан үп көрүлүннэр, анал бырагыраама киирдэр, “муус салгыы сыҕарыйыах” этэ.

Людмила ПОПОВА, “Саха сирэ” хаһыат, edersaas.ru

1
0

Добавить комментарий