Тыа хаһаайыстыбатынан дьарыктанар тэрилтэлэргэ чэпчэтиилээх кирэдьиит бэриллиэҕэ

Арассыыйа уонна Украина сыһыаннаһыыларыттан  киирэр сааҥсыйалары утары сөптөөх  миэрэлэр ылыллаллар.  Бу күннэргэ тыа хаһаайыстыбатыгар сыһыаннаах  бэртээхэй миэрэ ылылынна.  РФ Тыатын хаһаайыстыбатын  министиэристибэтэ  тыа хаһаайыстыбатыгар сыһыаннаах бородууксуйаны оҥорооччуларга  чэпчэтиилээх,  кылгас болдьохтоох  кэрэдьииттээһин хайысхатын киллэрдэ.  Бу кирэдьиити  тустаах тэрилтэлэр  дьиэ кыылын, көтөрү атыылаһыыга туһаныахтарын сөп.

РФ Тыатын хаһаайыстыбатын министиэристибэтэ быһаарарынан, бу сыл ыам ыйын 1 күнүттэн ахсынньы 31 күнүгэр диэри кирэдьиити ыларга дуогабардаспыт тэрилтэлэр  аны мантан инньэ  чэпчэтиилээх кирэдьиит үбүнэн үүт уонна эт бородуукталарын суулуурга уонна угарга аналлаах иһиттэри, хаалары атыылаһар кыахтаннылар.  Итини тэҥэ, тыа хаһаайыстыбатынан дьарыктанар тэрилтэлэр бэйэлэрин үптэринэн чааһынай хаһаайыстыбалаах биирдиилээн дьонтон хортуоппуй, оҕуруот аһын уонна үүтү, эти атыылаһар  толору бырааптаннылар.  Бу чааһынай дьон бородууксуйаларын эргитэн үп аахсалларыгар улахан көдьүүстээх буолуоҕа.

Объясняем рф. саайтан. Хаартыската эмиэ.