Балаҕан ыйын 14-15 күннэригэр үлэ көрдөнөр эдэр дьоҥҥо анаан «Карьера траекторията» диэн II өрөспүүбүлүкэтээҕи онлайн-дьаарбаҥка буолуоҕа.
Тыа хаһаайыстыбатын министиэристибэтэ дьаарбаҥка кыттыылаахтарыгар «Тыа хаһаайыстыбата» былаһааканы тэрийэн, ханна, туох үлэ миэстэтэ баарын, хамнаһа төһөтүн, эдэр исписэлиистэргэ көрүллэр үс өрүттээх дуогабар о.д.а. туһунан кэпсиэҕэ. Барыта 58 тэрилтэттэн 80-тан тахса вакансия киирдэ. Үлэ биэрээччилэр кэккэлэригэр «Туймаада агрохолдинг» АУо, «Сахабулт» ҮАПК АУо, «Кладовая Олекмы» АУо, мелиорация управлениетын, «Тымныы полюһа», «Хачыкаат», «Бөртө-Ас» кэпэрэтииптэр, «Булуҥ» МУТ, «Саюри» ХЭУо курдук тэрилтэлэр бааллар диэн министиэристибэ пресс-сулууспата иһитиннэрэр.
Раиса Сибирякова, «Саха сирэ», edersaas.ru