Субуотаҕа, бэс ыйын 8 күнүгэр, “Саха” ГТРК (Россия-1) тэлэбиидэнньэнэн эфиригэр сарсыарда 8 чаас 40 мүн. Саха Өрөспүүбүлүкэтин тыатын хаһаайыстыбатын миниистирин солбуйааччы Василий Афанасьев “Быһа кэпсэтии” биэриигэ кыттыаҕа.
Василий Владимирович ыһыы хампаанньатын, аграрнай секторы саҥардыы туһунан кэпсиэҕэ. Өрөспүүбүлүкэ оройуоннарыгар мелиорация кыһалҕаларын быһаарыы, Саха сирин Ил Дарханын “Саха Өрөспүүбүлүкэтин тыатын хаһаайыстыбатын сайдыытын стратегическай хайысхаларын туһунан” бастакы ыйаахтарыттан биирдэстэрин олоххо киллэрии, нэһилиэнньэни хаачыстыбалаах олохтоох аһынан-үөлүнэн хааччыйыы таһымын үрдэтиини ситиһии, олохтоох бородууксуйаны астаан таһаарыы уонна батарыы ырыынагын кэҥэтии туһунан кэпсэтии тахсыаҕа.
Бу уонна атын тиэмэлэргэ уонна ыйытыыларга быһа эфир кэмигэр хоруйдары ылыаххыт. Быһа эфир кэмигэр 8(4112)32-02-02 төлөпүөнүнэн устуудьуйаҕа эрийэн ыйытыаххытын сөп.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.