РФ Бырабыыталыстыбатын бэрэссэдээтэлэ Михаил Мишустин тыа хаһаайыстыбатын тиэхиньикэтин, оборудованиетын атыылаһыыга, инвестиционнай бырайыактары олоххо киллэриигэ ылыллыбыт кирэдьииккэ анал субсидияны көрөр туһунан уураахха илии баттаата.
Бырабыыталыстыба уурааҕар этиллэринэн, тыа хаһаайыстыбатын предпринимателлэрэ ыам ыйын 1 күнүттэн сыл бүтүөр диэри 10 млрд солкуобай иһинэн ылбыт кирэдьииттэригэр Киин баан туруорбут сүрүн ыстаапкатын сабыыга 100 бырыһыаҥҥа диэри субсидиянан туһаныахтарын сөп.
Бу чэпчэтиилээх кирэдьиити тыа хаһаайыстыбатын тиэхиньикэтин, оборудованиетын атыылаһыыга, селекционнай-семеноводческай, селекционнай-генетическэй кииннэри, үүт бородууксуйатын оҥорон таһаарыыга сыһыаннаах тутуулары ыытыыга ылыахтарын сөп. Бу кирэдьиит иккиттэн 15 сылга диэри бэриллэр, чэпчэтиилээх ыстаапканан билигин 5 бырыһыаҥҥа диэри оҥотторуохха сөп.
Бу көмө тыа хаһаайыстыбатын эйгэтигэр үлэлии сылдьар дьон чэпчэтиилээх кирэдьиити ылалларыгар көмө буолуоҕа. Бу иннинэ РФ Бэрэсидьиэнэ Владимир Путин бааннар чэпчэтиилээх кирэдьииттэри биэрэн, дохуоттарын сабыналларыгар бүддьүөттэн эбии 153 млрд солкуобайы көрөргө этэн турар.
Аграфена КУЗЬМИНА