Тыа хаһаайыстыбатын министиэристибэтигэр социальнай ситимнэринэн үгүс ыйытыы киирэр. «Тыа баһаара оттонуллубут оту сиэтэҕинэ туох эмит көмө көрүллэр дуо?», диэн үгүстүк ыйыталлар.
Оттоммут от киһи бэйэтин бас билиитэ, материальнай баайа-дуола буолар. Онон сокуон хараҕынан көрдөххө, бас билээччи бэйэтэ эппиэтинэһи сүгэр. Ол аата кини тахсыбыт хорумньуну сабынар туһугар сирин, отун страховкалыахтаах. Оччотугар хоромньу төһө эрэ бырыһыана төлөнөр. Быйыл Таатта улууһугар тыа баһаардарын түмүгэр дьон оттообут ото уокка былдьанна. Тыа хаһаайыстыбатын министиэристибэтэ биллэн туран, көмөлөһүөн баҕарар, ол эрэн кини судаарыстыба харчытын наардыыр, араас бырагыраамаларын көрөн тыырар. Өрөспүүбүлүкэ салалтатын иннигэр анал бырагыраамалары көмүскүүр. Билигин чопчу маннык көмө оҥоһуллуоҕа диэн этэр кыаллыбат. Эмсэҕэлээбит улуус дьаһалтата Тыа хаһаайыстыбатын министиэристибэтин аатыгар 190-с нүөмэрдээх Бырабыыталыстыба таһаарбыт бэрээдэгэр олоҕуран сайаапка түһэриэн наада. Ол кэннэ быһаарыы ылыллыаҕа.
СӨ Тыа хаһаайыстыбатын министиэристибэтэ