Тыа хаһаайыстыбатын кыылыгар-сүөлүгэр бэлиэни туруоруу (маркировка) булгуччулаах буолуоҕа

Бөлөххө киир:

РФ Бэрэсидьиэнэ Владимир Путин тыа хаһаайыстыбатын кыылыгар-сүөлүгэр бэлиэни туруоруу (маркировка) булгуччулаах буоларын  туһунан сокуоҥҥа илии баттаата.

edersaas.ru

Онуоха ынахтары, сылгылары, сибиинньэлэри  ветеринария исписэлиистэрэ учуокка босхо ылыахтара. Сокуон сыала-соруга —  ынах-сүөһү бородууксуйатын кэтээн көрүү уонна сүөһүлэр сыстыганнаах ыарыыларын бопсуу буолар. Онуоха тыа хаһаайыстыбатыгар сыһыана суох кыылларга бэлиэни туруоруу уонна учуокка ылыы ирдэниллибэт. РФ Бырабыыталыстыбата кыылга-сүөлгэ бэлиэни туруоруу уонна учуоттааһын уратыларын олохтуоҕа, онтон Тыа хаһаайыстыбатын министиэристибэтэ ветеринария тустаах быраабылаларын бигэргэтиэҕэ. Сокуон 2023 сыл балаҕан ыйын 1 күнүттэн күүһүгэр киириэҕэ. Сокуон киириэр диэри бэлиэтэниллибит кыылларга, ол иһигэр омук сириттэн аҕалыллыбыттарга,  бэлиэ иккистээн туруоруллубат.

Быһаарыы

Петр Лукич Петров, ветеринария департаменын салайааччыта:

— РФ Бэрэсидьиээ Владимир Путин бэс ыйын 28 күнүгэр тыа хаһаайыстыбатын кыылларыгар бэлиэни туруоруу  булгуччулааҕын туһунан сокуоҥҥа илии баттаата. Санатан эттэххэ, сокуон барылын РФ Судаарыстыбаннай Дуумата бу сыл муус устар ыйыгар пленарнай мунньахха бастакы ааҕыыга ылыммыта. Сокуон 2023 сыл балаҕан 1 күнүттэн күүһүгэр киириэхтээх. Саха Өрөспүүбүлүкэтигэр 2020 сылтан ынах-сүөһүлэргэ уонна куоскаларга  бэлиэни туруоруу дьаһаллара ыытыллаллар. Ол курдук, билигин  ынах-сүөһү уопсай ахсааныттан 60-тан тахса бырыһыана уонна ыттар 80 бырыһыаннара маркировкаламмыттара.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0