Маны аах Уопсастыба

Тыа хаһаайыстыбатын көрдөрүүлэрэ үрдээтилэр

Стратегическай чинчийии киинин дааннайынан, 2022 сыл тохсунньу–кулун тутар ыйдарыгар өрөспүүбүлүкэҕэ тыа хаһаайыстыбатын бородууксуйатын кээмэйэ 1,3 миллиард солкуобайга тэҥнэстэ. Бу былырыыҥҥыны кытары тэҥнээтэххэ, 2,5%-нан үрдүк.

Ол курдук, сүөһүнү уонна көтөрү иитии көрдөрүүлэрэ лаппа улааппыттар: 1,7 тыһыынча туонна эт оҥоһуллан тахсыбыт, ити былырыыҥҥыттан 52,4%-нан элбэх.

Ону тэҥэ, сылгы ахсаана 0,3%-нан эбиллэн, 182,1 тыһыынча төбөҕө тэҥнэспит, ынах сүөһү — 1,7%-нан (75,2 тыһыынча төбө), таба — 2,5%-нан (150,6 тыһыынча төбө), көтөр — 10,3%-нан эбиллибит (879,4 тыһыынча төбө).

Кэнники сылларга үүтү ыаһын, эти бэлэмнээһин, оҕуруот аһын олордуу көрдөрүүлэрэ улаатан иһэллэрин бэлиэтиир тоҕоостоох. Бу өрөспүүбүлүкэ тыа хаһаайыстыбата сайдан иһэрин көрдөрөр. Ил Дархан өрөспүүбүлүкэ сибиэһэй этинэн, үүтүнэн, оҕуруот аһынан бэйэтин хааччынар буолуохтаах диэн сорук туруорбута.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20