Тыһыынчаттан тахса киһи саҥа идэҕэ үөрэтэр бырагыраамаларга үөрэнэн баран, үлэ булла.
Пандемия кэмигэр үлэтэ суох хаалбыт дьоҥҥо көмөлөһөр сыаллаах маннык куурустары дьарыктаах буолуу кииннэрэ ыыталлар. Өссө уопсастыбаннай уонна быстах үлэҕэ үлэлэтэллэр. Манна көмөлөһөр тэрилтэлэргэ хамнаһы төлүүллэригэр сорох чааһын судаарыстыба биэрэр. Оттон үлэтэ суох дьон быстах кэмҥэ уопсастыбаннай үлэҕэ үлэлээтэҕинэ, босуобуйата кэминэн хаалар.
Үксүгэр оробуочай идэлэргэ: анал тиэхиньикэ машиниһа, слесардар, суоппардар, электромонтердар, муоста сууйааччылар, оробуочайдар наадалар. Онтон сулууспалаахтарга: учууталлар, биэлсэрдэр, сиэстэрэлэр, быраастар, инженердэр, менеджердэр наадалар эбит.
Алтынньы 28 күнүнээҕи туругунан, үлэ суохтар учуоттарыгар 33 130 киһи турар. Тэрилтэлэр 9426 үлэһиккэ наадыйалларын биллэрбиттэр.
Ангелина Васильева, “Саха сирэ” хаһыат, edersaas.ru
Хаартыска: vesti14.ru