Саха сиригэр тыһыынчаттан тахса киһи бүтүн дойду үрдүнэн ыытыллар «Күөх Арассыыйа» диэн субуотунньукка кыттыыны ылла. Күһүҥҥү акция-субуотунньук балаҕан ыйын 3-24 күннэригэр ыытыллына.
Сыллата акцияҕа кыттааччы ахсаана хаҥыыр. Соторутааҕыта араас тэрилтэлэр, министиэристибэлэр үлэһиттэрэ, уопсастыбанньыктар 11 хамаанда туруоран, Маҕанныыр суол 7 км. тахсан, 103 куул бөҕү хомуйдулар. Оттон Арктическай оскуола иитиллээччилэрэ үөрэх кыһатын таһын дьаһайдылар.
Айылҕа харыстабылын министиэристибэтин дааннайдарынан, акция кэмигэр 300 кубометр тахса бөх хомулунна, көҕөрдүү үлэтэ ыытылынна. 5 тыһ. тахса бэс уонна тиит мас Нерюнгрига, Горнайга уонна Дьааҥыга олордулунна. Манна даҕатан эттэххэ, бу саас 6,5 тыһ. маһы Дьокуускайга, Намҥа, Томпоҕо уонна Тааттаҕа олордубуттара.
СӨ Ил Дарханын уонна Бырабыыталыстыбатын Пресс-сулууспата