Тверьгэ снайпер Федор Охлопков аатынан мас-рестлиҥҥэ күрэхтэһии ыытыллыаҕа
Муус устар 9-11 күннэригэр Тверь куоракка снайпер, Сэбиэскэй Сойуус дьоруойа Федор Матвеевич Охлопков аатын үйэтитэр мас-рестлиҥҥэ Арассыыйа күрэхтэһиитэ үһүс төгүлүн ыытыллыаҕа.
Манна ааттаах-суоллаах спортсменнар, Арассыыйа чөмпүйүөннэрэ, норуоттар икки ардыларынааҕы күрэхтэһиилэр кыайыылаахтара, итиэннэ Федор Охлопков төрөөбүт Томпотун улууһун сүүмэрдэммит хамаандата кыттыаҕа. Кыайыылаахтар быйылгы Арассыыйа чөмпүйэнээтигэр кыттар быраабы ылыахтара.
Тэрээһин мас-рестлинг Твердээҕи федерациятын уонна Москваҕа Саха сирин бастайааннай бэрэстэбиитэлистибэтин көҕүлээһиннэринэн ыытыллар.
Санатан суруйдахха, эрдэ Тверскэй уобалас Ржевскай оройуонугар Саха сирин көҕүлээһинэнэн Федор Охлопков аатынан байыаннай-патриотическай кулууп арыллыбыта. Бу баазаҕа бүтүн Арассыыйа ыччата кэлэн дьарыктанар. Маны таһынан, Саха сирэ уонна Тверскэй уобалас атыы-эргиэн, научнай-тиэхиньиическэй, тутуу о.д.а. хайысхаларынан бииргэ үлэлииллэр.