Туундара олоҕо «Күн оҕолорун» хараҕынан…

Бөлөххө киир:

Былырыын Анаабыр Үрүҥ Хайатыгар командировкаҕа бара сылдьан, бииргэ университекка үөрэммит дьүөгэм Сардаана Барабанова «Хранители тундры» киинэтин бастакы чааһын көрө олорон, ыраах туундараҕа табаһыттар ортолоругар баар курдук санаммытым…

Анивера Акимова, «Саха сирэ» хаһыат, edersaas.ru


Бу күннэргэ «Күн оҕолоро» айар бөлөх «Хранители тундры» киинэтин «Лена» киинэ-тыйаатырыгар көрөөччүлэр дьүүллэригэр таһаарда. Биир сыллаах үлэ силигэ ситэн, биир чаас кэриҥэ уһуннаах киинэҕэ кубулуйбут. Улуус туһунан дириҥ ис хоһоонноохтук, хаачыстыбалаахтык уһуллубут документальнай киинэни бастакыбын көрдүм. Киинэ дьоруойдара — табаһыттар, норуот маастардара, ырыаһыттар, балыксыттар. Бары төрүт олохтоох дьон.

Анаабыр улууһугар икки эрэ нэһилиэк баар. Сааскылаах уонна Үрүҥ Хайа. Ол да буоллар, бэйэ-бэйэлэриттэн ыраах олороллор. Долганнар түөлбэлээн олорор Үрүҥ Хайа сэлиэнньэлэрэ тыһыынчаттан тахса нэһилиэнньэлээх. Сүрүн дьарыктара – тыа хаһаайыстыбата. Табанан, булдунан уонна балыктааһынынан дьарыктаналлар. Сааскылаахтан 160 км сытар сиргэ сайынын катерынан айанныыллар, оттон күһүҥҥү-сааскы ыйдарга улуус киинин кытары сибээстэрэ быстар.

Сардаана Барабанова салайааччылаах «Күн оҕолоро» айар бөлөх бу онус киинэтэ.  Кинилэр нэһилиэктэр тустарынан документальнай киинэ усталлар. Бу сырыыга Анаабыр улууһун баһылыга Иван Семенов көҕүлээһининэн, Арктика олохтоохторун киэҥ эйгэҕэ таһаарар, көрдөрөр, билиһиннэрэр сыалтан киинэни устубуттарын туһунан Сардаана кэпсиир.

Киинэ режиссердара Диана Худаева, Сардаана Барабанова, оператордар Гаврил Старостин, Иван Тищенко, Михаил Кардашевскай, Кыйаар Юмшанова, Сардаана Барабанова. Монтаж: Диана Худаева, Светлана Романова. Композитор: Моисей Кобяков. Звукорежиссер: Иннокентий Сивцев.

Анивера Акимова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0