Айылҕа харыстабыла Маны аах

Туундараҕа — сэрэтэр үлэ

Аҕыйах  хонуктааҕыта Судаарыстыба экологияҕа кэтэбилин Аллайыахатааҕы иниспиэксийэтэ “Кыталык” национальнай пааркатын үлэһиттэрин кытта киһи барыта бултуур сиригэр-уотугар булт эйгэтигэр турар ирдэбиллэри толорууну хонтуруоллааһыҥҥа, тустаах эйгэҕэ сокуоннас кэһиилэрэ тахсыыларын сэрэтэр сыаллаах холбоһуктаах рейдэҕэ (чинчийэн көрүү диэн ааттыыллар) кытыннылар.

 

Бу айан-сырыы кэмигэр уопсайа 6 киһини бэрэбиэркэлээтилэр. Уонна ханнык даҕаны кэһии тахсыбыта бэлиэтэммэтэ.

Холобур, икки балыксыт үүтээннэригэр олорон илимнэрин көннөрөллөр, хатараллар эбит. Сорох алдьаммыт бураанын аҕалаары тиийэ сылдьар. Көрсүбүт дьоннорун кытта бултааһын болдьохторугар аналлаах бэсиэдэ ыыттылар. Чуолаан, хотугу кыыл табаҕа  бултааһын болдьоҕо бүппүтүн санаттылар. Киискэ, куобахха уо.д.а атын кыылларга болдьох туһунан билиһиннэрдилэр.

Санатан эттэххэ, маннык рейдэнэн сырыылар кэмнэригэр кэпсиир-өйдөтөр үлэ күүскэ барыахтаах.

Бэлэмнээтэ Женни Стрюкова

Хаартыска: Аллайыахатааҕы иниспиэксийэ тиксэриитэ

0
0
Telegram Whatsapp