Төһө да сыстыганнаах дьаҥ өрө туран, бары салааҕа үлэ үксэ тохтоон турдар, доруобуйа харыстабылын уонна суолталаах социальнай эбийиэктэри тутуу тохтотуллар кыаҕа суох.
edersaas.ru
✅ Бүгүннү күҥҥэ өрөспүүбүлүкэҕэ онкологическай уонна кардиологическай кииннэр, 9 саҥа оскуола, 4 оҕо уһуйаана, 3 култуура, 6 спортивнай эбийиэк тутулла турар.
✅ Уопсайа 500 тыһ. кв м олорор дьиэ тутуллар.
✅ Коронавирус өрөспүүбүлүкэ суолталаах социальнай эбийиэктэрин тутууну тохтоппот;
✅ Тутуу салаатыгар олохтоох дьонтон тутуу исписэлиистэрин үөрэтэн-такайан таһаарар сорук турда.
✅ Ыччаппытыгар үлэ миэстэтин таһаарыыга эппиэтинэстээхтик сыһыаннаһыахха.
✅ Тутууга 1509 киһи, 726 тутуу этэрээттэрин байыастара, 783 ыччат үлэлии кэлиэҕэ. 330 киһи орто анал үөрэхтээһин кыһаларыгар кылгас кэмнээх анал үөрэҕи барыахтара.
✅ Суолталаах тутуу барар турар сирдэригэр (киин куоракка эрэ буолбакка, улуустарга эмиэ) олохтоох дьону хабар сорук турар.
Бу маннык боппуруостары Ил Дархан ыыппыт тутуу салаатын өйүүр мунньаҕар ырыттылар.
Елена ПОТОЦКАЯ, «Саха сирэ» хаһыат, edersaas.ru
Хаартыска: Андрей Сорокин