Тутуу: Дьокуускайга тутуу үлэтэ күөстүү оргуйар (видео)

Бөлөххө киир:

Дьокуускайга тутуу үлэтэ күөстүү оргуйар. 112-с кыбаарталга, Бүлүүлүүр суол 5-с килэмиэтирин диэки “Атмосфера” диэн микрооройуоҥҥа 16-тыы мэндиэмэннээх үс сүүнэ дьиэни тутуу бара турар. Үлэ тигинэччи барар.

Ол курдук, икки сүүнэ кырааннар биир кэм тохтоло суох тоҥхоҥнууллар, бетон-сыбаайа атахтары туруорар инниттэн буурдуур көлөлөр сири дьөлө үүттүүллэр, икки погрузчик төттөрү-таары баран-кэлэн араас үлэни үмүрүтэллэр. Анал биригээдэлэр мас былааҕаларынан бетон кутуллар куораптарын оҥороллор, арматура тимирдэрин кэлгийэллэр. Ити курдук, сарсыардаттан хара киэһээҥҥэ диэри үлэ фрона бэйэ-бэйэтиттэн ситимнэһэн тохтоло суох биир кэм тигинэччи барар.

Тутуу үлэтэ күн аайы тохтоло суох барарын кыраҕатык хонтуруоллааччы, “Туймаада строй” ХЭУо учаастагын начаалынньыга Андрей Григорьев үлэ хайдах-туох бара турарын туһунан кэпсээтэ. Таас эбийиэктэри тутууга 10-тан тахса сыл үлэлээбит уопуттаах бетонщик Григорий Сергеев таас дьиэни тутууга санаатын үллэһиннэ.

+1
0
+1
0
+1
0
+1
0
+1
0
+1
0
+1
0