Тустуук Станислав Свинобоев аан дойдуга бастыыр иһин күрэхтэһиигэ кыттыаҕа

Кэлэр нэдиэлэҕэ, атырдьах ыйын 16-18 күннэригэр, Башкортостан өрөспүүбүлүкэтин киинигэр Уфаҕа көҥүл тустууга юниордарга (21-гэр диэри саастаахтарга) аан дойду үрдүнэн бастыыр иһин күрэхтэһии ыытыллаары турар.

Бу турнирга 70 киилэҕэ диэри ыйааһыҥҥа Олимпийскай эрэл училищетын иитиллээччитэ, Мэҥэ Хаҥалас ыччата, быйыл Иркутскайга ыытыллыбыт Арассыыйа чөмпүйэнээтин кыайыылааҕа Станислав Свинобоев кыттыаҕа. Тириэньэрэ — Василий Уваров.

Күрэхтэһиини саайпытыгар сырдатыахпыт.

sportyakutia.ru хаартыската.