Саха сириттэн төрүттээх Беларусь аатыттан тустар Ньургун Скрябиҥҥа икки хостоох кыбартыыраны бэлэхтээтилэр.
Бу сайын көҥүл тустууга Европа чөмпүйэнээтин үрүҥ көмүс призеругар Ньургун Скрябиҥҥа биир дойдулаахтара кыбартыыра ыларыгар сэртипикээти туттарбыттара. Бу күннэргэ тустуук Саха сиригэр суох буолан, кини аҕата Владимир Скрябин Дьокуускайга икки хостоох кыбартыыра күлүүһүн тутта.
Мэҥэ Хаҥалас улууһун дьаһалтата, 31 нэһилиэгэ, Саха сирин уонна улуус тустууга федерациялара уонна биллэр улахан тэрилтэлэр бу дьоһун бэлэҕи оҥордулар.
Билигин Ньургун Скрябин уонна Владислав Андреев Беларусь өрөспүүбүлүкэтин аатыттан ахсынньы 12-18 күннэригэр Сербияҕа ыытыллар Аан дойду куубагар кыттаары бэлэмнэнэ сылдьаллар.
edersaas.ru
+1
+1
+1
+1
+1
+1
+1