Маны аах Успуорт

Тустуук Александр Андреев юниордарга Арассыыйа турнирын кыайыылааҕынан буолла

Бу күннэргэ Казань куоракка РСФСР үтүөлээх тириэньэрэ М.Сахабутдинов кэриэһигэр 21 саастарыгар диэри юниордарга  гректии-римнии тустууга Арассыыйатааҕы турнир ыытылынна.

 

Манна Саха сириттэн сылдьар 19 саастаах Александр Андреев 63 киилэҕэ диэри ыйааһыҥҥа бастаата. Бу ыйааһыҥҥа барыта 50 юниор күрэхтэстэ. Биир дойдулаахпыт Ростовтан Сергей Гордовы, Ростов уобалаһыттан Рафаэль Керимовы, Пермскай кыраайтан Петр Кожокары, Московскай уобаластан Астемир Бижоевы кыайталаан, финалга 9:0 ахсааҥҥа Московскай уобалас тустуугун Рустам Хамзины болдьоҕун иннинэ кыайда.

Александр Амма улууһуттан төрүттээх, Р.М.Дмитриев аатынан Олимпийскай эрэллэр училищетын иитиллээччитэ буолар. Кини гректии-римнии тустууга Матвей Матвеевка, Кирилл Павловка дьарыктаммыта, билигин Олимпийскай эрэллэр Москватааҕы училищетыгар дьарыктанар, Москва аатыттан күрэхтэһиилэргэ кыттар.

1
0
Telegram @edersaas20