Тускул: «Тымныы полюһугар Өймөкөөҥҥө балаҕан ыйын саҥатыгар — бастакы хаар»

Бу күннэргэ күһүҥҥүлүү тымныы күннэр тураллар. Маннык күнү-дьылы норуот синоптига Тускул  хоту улуустарга тымныы күннэр буолан, сорох сирдэргэ хаардыы турарын кытта ыкса сибээстиир. 

Тускул «балаҕан ыйа былыкка төрөөтө» диэн бэлиэтээн туран, бу нэдиэлэҕэ өрөспүүбүлүкэ үгүс улууһугар ардахтаах күннэр буолуохтара диэн билгэлиир.

— Тымныыларынан биллэр улуустар — Өймөкөөн уонна Дьааҥы  өрөспүүбүлүкэ улуустарыгар күһүҥҥү «бирибиэттэрин» — тымныы салгыны ыыттылар. Онон үгүс оройуоннарга бу күннэргэ хаһыҥныаҕа уонна ардыаҕа. Балаҕан ыйын 2-3 күннэригэр Тымныы полюһугар Өймөкөөҥҥө бастакы хаар түһүөҕэ.Халыма-Индигиир улуустарыгар биллэ тымныйыаҕа. Тиксиигэ уонна Анаабырга буурҕа түһүөҕэ.  Онон бу күннэргэ оҕуруоттаах дьон үүнээйилэргитин үчүгэдик бэрийиҥ, сабыҥ, тэпилииссэлэргитин ыгыччы оттуҥ, — диэн сүбэлиир норуот синоптига.

Бу күннэргэ Дьааҥы эҥээр улаханнык тымныйан, Усуйаанаҕа бастакы хаар түстэ.

Күһүммүт барахсан балаҕан ыйыттан бэйэтин сокуоннай быраабыгар киирэн, олус уустук уонна кураан сайыммытын түмүктээтэ.

Елена ПОТОЦКАЯ, «Саха сирэ» хаһыат.

Хаартыска — eugene.kaspersky.ru, видео — социальнай ситмнэртэн.