Тускул сэрэтэр: «Бүгүн түүн уонна сарсын күүстээх тыал түһүөҕэ»

Ааптар: 
Бөлөххө киир:

Норуот синоптига Тускул бу түүн уонна сарсын киин уонна арҕаа улуустарга күүстээх тыал түһэрин туһунан сэрэттэ.

edersaas.ru

Итии уонна тымныы салгын охсуһуутугар хайаан да күүстээх тыал түһэр.

Бу түүн уонна сарсын киин уонна арҕаа улуустарга сөкүүндэҕэ 14-15 м түргэннээх күүстээх тыал түһүөҕэ.

Нэдиэлэ саҥатыгар киин улуустарга түүн +5, күнүс +24 кыраадыс сылыйыаҕа. Арҕаа улуустарга бу күннэргэ +5 +18 кыраадыс сылаас. Хаһан буоларын курдук, арҕаа улуустарга  тыал, хаар, ардах бастакынан кэлэринэн, бүгүн Бүлүү эҥэр улуустарга сөкүүндэҕэ 14-17 м күүстээх тыал түһэ турар. Бээтинсэҕэ диэри манна ардыаҕа.

Онон булка, суолга сылдьар дьон бүгүн уонна сарсын ыраах айанныыртан туттунуҥ. 

Ньукуолунтан ыла күүстээх тыал итии салгыны аҕалан, ыам ыйын 23 күнүттэн киин уонна арҕаа улуустарга түүн + 10,  күнүс +25 кыраадыска диэри сылыйыаҕа. 

Бэс ыйын саҥатыттан күнүс +27, түүн +15 кыраадыс сылыйыаҕа, — диэн Тускул иһитиннэрдэ.

Дьэ, онон бүгүн уонна сарсын түһэр күүстээх тыалы аһардахпытына, Ньукуолун сылаас күннээх сайыны аҕалыаҕа.

Елена ПОТОЦКАЯ, «Саха сирэ» хаһыат, edersaas.ru

Хаартыска — интернеттэн.

+1
0
+1
0
+1
0
+1
0
+1
0
+1
0
+1
0