Тускул сэрэтэр: «Бу өрөбүллэргэ эмискэ тымныйар: хаар уонна ардах…»...
· - Олох-дьаһах

Тускул сэрэтэр: «Бу өрөбүллэргэ эмискэ тымныйар: хаар уонна ардах…»

«Сайыммыт кэллэ!» — диэн кыралыын-улаханныын үөрэн бөҕөбүт эрээри, Тускул: «Оҕуруоттаах дьон сэрэниҥ — бу нэдиэлэ бүтэһигэр эмискэ тымныйар», — диэн сэрэттэ.

edersaas.ru

Ол курдук, норуот синоптига бэлиэтииринэн, ыам ыйын 23-25 күннэригэр улахан тымныы түһээри турар.

— Тымныы салгын циклона эмискэ хотугулуу-арҕаа эҥэртэн иһэр. Онон Дьокуускай куоракка сөрүүн салгын бээтинсэттэн биллэн барыаҕа. Манна түүн 7 кыраадыс, күнүс 16 кыраадыс сылаас. Субуота уонна өрөбүл күн түүн 2 кыраадыс эрэ сылаас. Намҥа бээтинсэҕэ күнүс 17, түүн 8 кыраадыс сылаас. Субуотаҕа уонна өрөбүлгэ түүнүн 3 кыраадыс сылаас. Ыам ыйын 26  күнүгэр оптуорунньукка ардахтаах. Покровскайга бээтинсэҕэ күнүс 16, түүн 6 кыраадыс сылаас. Субуота, өрөбүл күн – түүн 2 эрэ кыраадыс сылаас. Оптуорунньукка – ардах. Онон оҕуруоттаах дьон бу өрөбүллэргэ сэрэниҥ. 

Илин эҥэр улуустарын кииннэригэр — Майаҕа, Бороҕоҥҥо, Чурапчыга, Аммаҕа, Ытык-Күөлгэ  бээтинсэ түүн 5-7, күнүс 14-18 кыраадыс сылаас. Субуота уонна өрөбүл күннэргэ түүн 3-4 кыраадыс эрэ сылаас.

Горнайга бээтинсэ түүн  5, күнүс 14 кыраадыс сылаас. Субуота уонна өрөбүл күннэргэ улаханнык тымныйыаҕа: түүн  1 эрэ кыраадыс сылыйыаҕа. Хаардаах ардах түһүөҕэ.  Кэбээйигэ эмиэ тымныйар. Ардахтаах, хаардаах. 

Бүлүү бөлөх улуустарга күнүс 12-16  кыраадыс сылаас, түүн 1 кыраадыс эрэ сылыйыаҕа. Мирнэй, Ленскэй, Нерюнгри, Алдан  оройуоннарыгар сэрэдэттэн ардыаҕа. Өлүөхүмэҕэ эмиэ сэрэдэттэн — ардах. Субуотаҕа уонна өрөбүлгэ 1-2 кыраадыс эрэ сылыйыаҕа. Хаһыҥ түһүөҕэ. 

Хоту улуустарга эмиэ барыларыгар тымныйыаҕа. Өрөбүл күннэргэ ардыаҕа да, хаардыаҕа да. Өймөкөөҥҥө түүн 1 кыраадыс тымныйыаҕа уонна  өрөбүл күннэргэ улахан тыал түһээри турар. Онон сэрэниэххэ наада. Анаабырга уонна Тиксиигэ 2-3 кыраадыс тымныйыаҕа. 

… Тыйыс килиимэттээх усулуобуйаҕа олорор дьон, бэс ыйыгар уонна от ыйыгар хаар түһэригэр үөрэхтээх буоллахпыт. Онон «ыам ыйын 23-25 күннэригэр оҕуруоттаах, тэпилииссэлээх дьон үүнээйигитиҥ көрүнүҥ, сылаастык тутуҥ» диэн Тускул сүбэтин ылынаргыт наада. 

Елена ПОТОЦКАЯ, «Саха сирэ» хаһыат, edersaas.ru

 

Хаартыска — интэриниэттэн.

 

4
1

Сайт матырыйаалларын ааптар көҥүлэ суох ылар бобуллар.
  1. 1 санаа

    Айтал

    Я вообще не понимаю сахалы
    Сделаешь перевод русский?

    18.05.2020

Ваш адрес email не будет опубликован.

13 − 7 =