Тускул от ыйын билгэлиир

Ааптар: 
Бөлөххө киир:

От ыйа саамай куйаас ыйынан биллэр эрээри, кэлэр нэдиэлэҕэ, ол эбэтэр от ыйын саҥатыгар Тускул тымныы күн-дьыл туруоҕа диэн сэрэппитэ.

edersaas.ru

Сарсыҥҥыттан бэс ыйа түмүктэнэн, от ыйа саҕаланар. Тускул бу ыйы хайдах билгэлиирий?

Кэнники кэккэ сылларга  куйаас наһаа түспэт буолла. Ол төрүөтүнэн, эрдэ эппитим курдук, күҥҥэ эстии аҕыйаабыта буолар. Киин, Бүлүү бөлөх, Халыма-Индигир, Өймөкөөн улуустарыгар от ыйын 7 күнүттэн 20 күннэригэр дылы чаҕылхай күннээх сайыҥҥылыы куйаас күннэр туруохтара. Бу күннэри мүччү тутумаҥ. Оччоҕо үрдүк хаачыстыбалаах оту ылыаххыт.

Кэлиҥҥи кэмҥэ окко наһаа хойут киирэр буолан, оту ардахха былдьатыы үгүс. Ол төрүөтэ — норуокка тарҕаммыт „абааһы мунньаҕа“. От ыйын саҥатыгар киирбит дьоҥҥо ол дьыала дьайбат, онон Бөтүрүөп Таҥаратын иннинэ киирэ охсуохха наада. От ыйын 13 күнэ — Кунай хотуурдаах күнэ. Бу күн от охсуллубат — «абааһы мунньахтыыр күнэ».  Атын үлэ көҥүллэнэр. Ый иккис дэкээдэтигэр киин улуустарга 25 С-30 С кыраадыс итийиэҕэ. Сынньанар, сөтүөлүүр дьоҥҥо  сүбэм — маҥнайгы куйаас күннэр түстэллэр эрэ, сөтүөлээн хаалыҥ. Кэлиҥҥи сылларга Ийэ Айылҕа сөтүөлүүр кэми олох кылгастык биэрэр, онон кылгас кэми туһанан хаалыҥ.

Соҕуруу улуустарга Өлүөхүмэҕэ, Ленскэйгэ, Мирнэйгэ, Алдаҥҥа 30 С-35 С кыраадыска тиийэ куйаарыаҕа. От ыйын бүтэһик дэкээдэтигэр бу улуустарга 20 С- 26 С сылыйыаҕа. 

От ыйын саҥатыгар уонна бүтэһик күннэригэр ардахтаах буолуоҕа. Оҕуруоттаах дьоҥҥо бу кэмҥэ астанан эрэр үүнээйи саамай ууга наадыйар кэмэ. Онон ардах уутун эрдэттэн хаһаанан кэбиһиҥ, — диэн Тускул сүбэлиир.

Елена ПОТОЦКАЯ, «Саха сирэ» хаһыат, edersaas.ru

Хаартыска — интернеттэн.

+1
0
+1
0
+1
0
+1
0
+1
0
+1
0
+1
0