Маны аах Сүрүн Уопсастыба

Тускул: «Олунньу тохсунньуттан туох даҕаны уратыта суох»

Норуот синоптига этиитинэн, үүммүт ый хабараан тымныытын ыһыктыа суоҕа.

Киин улуустарга олунньу бастакы аҥаара тымныы буолуоҕа. Күнүс -43, -39, оттон түүн -59, -48 кыраадыс тымныы буолуоҕа. Иккис дэкээдэҕэ тымныы уҕараабат. Күнүс -31,- 28 кыраадыс буолуоҕа эрээри, түүн -48, -38 кыраадыс тымныйар. Үһүс дэкээдэҕэ күнүс -26-21, түүн -35, -30 кыраадыс тымныйар.

Бүлүү бөлөх улуустарга бастакы дэкээдэҕэ күнүс -36 кыраадыс, түүн — 45 кыраадыс тымныйыаҕа. Иккис дэкээдэҕэ күнүс -28-33, түүн -48-32 кыраадыс тымныы. Үһүс дэкээдэҕэ -26-28 кыраадыс, түүн -25-29 кыраадыс тымныы. Ый бүтүүтэ — хаар, тибии.

Соҕуруу улуустарга бастакы дэкээдэ тымныы, иккис дэкээдэ — сымнаһыар. Олунньу ортотуттан хаардаах буолуоҕа.

Тымныы полюһугар Өймөкөөн улууһугар быйыл сымнаҕас кыһын. Бу — Магадантан муора салгынын сабыдыала. Олунньу тохсунньутун батыһан, сымнаһыар буолуоҕа.

Дьааҥыга тымныы эрээри, тохсунньуга -60 кыраадыс тымныыга тиийбэтэ. Ый бастакы дэкээдэтигэр бу улууска тымныйыаҕа — күнүс 47-42, түүн 53-48 кыраадыс тымныы.

Халыма- Индигир улуустарыгар тохсунньу курдук ый бастакы дэкээдэтигэр тымныйыаҕа. Манна күнүс 39-40 кыраадыс, түүн 47-43 кыраадыс тымныы.

Анаабыр, Өлөөн, Булуҥ улуустарыгар олунньу бастакы аҥаарыгар  түүҥҥү өттүгэр улахан тымныы туруоҕа. Күнүс -40-37 кыраадыс, түүн -47-40 кыраадыс тымныы. Тускул олунньуну сиһилии анаарыытын «Саха сирэ» хаһыат чэппиэрдээҕи нүөмэригэр ааҕыҥ.

 

Елена ПОТОЦКАЯ, «Саха сирэ» хаһыат. edersaas.ru

0
0

Добавить комментарий