Эдэр саас

Тускул: «Бөтүрүөп ардаҕын кэнниттэн биллэ сөрүүкүө»

Өҥүрүк куйаас хаһан эрэ син биир бүтэр уһуктааҕа чахчы. Бу туһунан норуот синоптига Тускул маннык бэлиэтиир:
«Кэлэр нэдиэлэттэн биллэ сөрүүкүө».

Этиҥнээх ардахтар өҥүрүк куйаастан «быыһыахтара: +21, +26 кыраадыс буолуоҕа. Нэдиэлэ саҕаланыыта ардах Бүлүү улууһун сөрүүкэтиэ, ол сөрүүн салгын киин улуустарга биллиэҕэ, онтон хоту улуустарга ол ардах тиийиэҕэ.
Бөтүрүөп Таҥара ардаҕа ханна да барбат. Дэлэҕэ да, өбүгэ саҕаттан «Бөтүрүөп ардаҕа» диэн аатырыа дуо? Былыр былыргыттан Бөтүрүөп куйааһын саҕана ардах хайаан да кэлэн түһэригэр эрэнэллэрэ уонна ол эрэллэрэ хайаан да туолара. Бөтүрүөп ардаҕын кэнниттэн от үс күнүнэн «ыллыы-ыллыы» үүнэн тахсара үһү.
Быйылгы кураан дьыл 2011 сыллааҕы дьылга тэҥнээх. Бөтүрүөп куйааһа от ыйын 10 күнүттэн 15 күнүгэр диэри. Онтон сөрүүкүөҕэ.
2001-2011-2021 сылларга күн актыыбынаһа саамай улаатар кэмэ. Онон быйылгы сылы тулуйуохха — айылҕаны кыайбыт суох…
Дьэ, онон от ыйын ортотун кэтэһэрбитигэр эрэ тиийэбит.

Елена ПОТОЦКАЯ,
«Саха сирэ» хаһыат, edersaas.ru

2
3