Тускул: «Өрөбүлтэн биэс хонук эмискэ тымныйыаҕа»

Ааптар: 
Бөлөххө киир:

Бу күннэргэ араадьыйаҕа халлаан 20 кыраадыска тиийэ сылыйыа дииллэр да, тымныы тыаллаах буолан, сайыҥҥылыы таҥаспытын кэтэргэ тиэтэйбэппит.

edersaas.ru

Билигин да сылыйыа эрдэ быһылаах.  Тускул өрөбүлтэн ыла биэс хонукка эмискэ тымныйыа диэн билгэлиир:

Киин улуустарга ыам ыйын  18 күнүгэр диэри 18-20 кыраадыс сылыйыаҕа. Түүҥҥү өттүгэр 8-10 кыраадыс туруоҕа. Ол эрээри бу өрөбүлтэн — ыам ыйын 19 күнүттэн ыам ыйын 23 күнүгэр диэри хотуттан антициклон кэлэн, эмискэ тымныйыаҕа. Күнүс 8-10  кыраадыс сылыйыаҕа, түүнүн тоҥоруон сөп.

Ыам ыйын 24 күнүттэн саҕалаан, дьэ сайыҥҥылыы күннэр үүнүөхтэрэ. Күнүһүн +22 кыраадыска, түүнүн +10 кыраадыска тиийэ сылыйыаҕа.

Ньукуолун ардаҕа эрдэлииһи:  ыам ыйын 15-16 күннэригэр уонна ыам ыйын 19-20 күннэригэр ардыаҕа. Ый бүтүүтүгэр — ыам ыйын 27-28 күннэригэр ардах эмиэ түһэрэ сабаҕаланар.

Өлүөнэни туоруур поруом ыам ыйын 22 күнүттэн үлэтин саҕалыаҕа. Ыам ыйын 13 күнүгэр үчүгэй күн буолбута, онон өлгөм сир астаах сайыны кэтэһэбит.

Орто уулаах дьыл, онон өрүстэр бэйэлэрин киэптэриттэн тахсыбакка, этэҥҥэ эстиэхтэрэ. Самаан сайыны арыылаах алаадьылаах, дьэрэкээн саламалаах, сирбитин-дойдубутун айах тутан, алгыс этэн уруйдуу-айхаллыы көрсүөҕүҥ.

… Ардыыра эмиэ үчүгэй. Күөх көҕөрүүтэ айылҕа сииккэ саамай наадыйар кэмэ буоллаҕа.

Елена ПОТОЦКАЯ, «Саха сирэ» хаһыат, edersaas.ru

Хаартыска — интернеттэн.

+1
0
+1
0
+1
0
+1
0
+1
0
+1
0
+1
0