Бүгүҥҥү дьоруойбут Константин Трифонов даачатыгар поддонтан уонна тутуу матырыйаалын ордугуттан олус туһалаах оҥоһуктары оҥорон таһаарар. Константин «Сахатранснефтегаз» хампаанньаҕа хонтуруол уонна хаачыстыба сулууспатын технадзорынан үлэлиир.
Көлүөһэ уурар долбуур
— Массыына шината, быраабыла быһыытынан, туруору туруохтаах. Үрүт үөһэ сытыары сааһылаатахха, көлүөһэ баттанан, формата алдьанар.
Органайзер
Чааһынай дьиэҕэ олорор киһи үлэҕэ туһанар мала хара баһаам: күрдьэх, сиппиир, кыраабыл, тээпкэ уо.д.а. Бу барыта биир муннукка туруон сөп эрээри, элбэх буоллахтарына ыһыллан, сууллан эрэйдээччилэр. Дьиэҕэ даҕаны, таһырдьа даҕаны туох барыта миэстэлээх буолуохтаах. Ыһыллыыны-тоҕуллууну сөбүлээбэппин.
Барыларын миэстэлиир санааттан, поддону туруору тутан органайзер оҥостубутум. Туттар малларым мэһэйдэспэттэрин гына, үөһэнэн уонна алларанан быыһыгар штакетнигы эрбээн саайталаабытым.
Поддонтан миэбэл
Полкалар
Аныгыскыга Константин оҕурсуга уонна помидорга оҥорбут парнигын туһунан көтүтүмэҥ.
Надежда ИЛЬИНА, edersaas.ru