«Белый ангел» киинэни устуу саҕаланна

Бөлөххө киир:

Бу күннэргэ Өлөөн улууһун Харыйалааҕар саҥа киинэни  устуу үлэтэ саҕаланна. Киинэни суруйааччы, драматург Василий Васильев-Харысхал «Победить или умереть» испэктээкилинэн усталлар. Киинэ барыллаан аата – «Белый ангел».

edersaas.ru

Билигин Өлөөҥҥө уһуллар сюжеттарга ааптар уонна бөлөх салайааччыта Харысхал, режиссер Александр Лукин, оператордар Михаил Кардашевскай, Дьуур Березкин, бутафор-художник Дмитрий Мухин уонна артыыстар Куприян Михайлов, Дима Татаринов тиийэн үлэлии сылдьаллар.

Манна даҕатан эттэххэ, Нерюнгритааҕы куукула уонна артыыс тыйаатыра былырыын алтынньы 15 күнүгэр Дьокуускайга бу испэктээкили көрдөрөн, тута көрөөччүлэр биһирэбиллэрин ылбыта.

Онон, инникитин күөх экраҥҥа өссө биир саҥа киинэни долгуйа күүтүөхпүт. Киинэни уһулааччыларга уонна сюжеттарга кыттар Өлөөн улууһун олохтоохторугар ситиһиини баҕарабыт.

ЫСПЫРААПКА:

Харысхал бу айымньыта дьиҥнээх чахчыларга олоҕурар. Кэпсэнэр түгэн 1937 с. Өлөөн улууһугар буолбута. Тыйыс тымныы диэни билбэтэх, хорсун санаалаах соҕуруу дойду эдэркээн эмчитэ Капитолина Облезова дьону быыһыыр уонна бэйэтэ тыыннаах хаалар туһугар хайдахтаах курдук ыарахаттары көрсүбүтэ киһи эрэ хараастыах кэпсэнэр. Сибиир оспата турбут кэмигэр бэйэтэ «айбыт» быһыыларын биэрэн, олохтоохтору абырыыр. Хомойуох иһин, эдэркээн кыыс бэйэтин кыайан харыстаммакка, тыйыс тымныылаах дойдуга букатыннаахтык хаалар…

Надежда ЕГОРОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0