Аллараа Халыма оройуонугар «Турваургин» көс олохтоох төрүт уус община уонна хотугу норуоттар Арктикатааҕы кэллиэстэрин холбоһуктаах тэрилтэлэрэ улахан былааннаахтар.
Ол курдук, кинилэр таба этиттэн, балыктан, хоту дойдуга үүнэр сир аһын арааһыттан аһы-үөлү бэлэмнииргэ былааннаналлар. Бу туһунан үөрэх тэрилтэтин дириэктэрэ Елена Антипина иһитиннэрдэ диэн ТАСС бэлиэтиир. «Биһиги «Турваургин и Ко» хампаанньаны регистрациялаабыппыт, билигин РФ Арктическай зонатын резиденин (АЗРФ) статуһун ылыахпытын баҕарабыт. Таба этиттэн, балыктан ас арааһын астыыр, сир аһыттан барыанньалары, джемнэри оҥорор баҕалаахпыт. Ол туһуттан, сир аһын, эти, балыгы нэһилиэнньэттэн атыылаһары былаанныыбыт», — диэбит кини.
Холбоһуктаах тэрилтэ оройуон салалтата биэрбит учаастагар баазаланыахтаах. Онно астыыр уонна бэлэмнэниллибит аһы-үөлү уурар сыах тутуллуоҕа диэн былаанныыллар. Хаачыстыбалаах аһы-үөлү оҥорор туһуттан, «Турваургин и Ко»аныгы анал тэрили туруорунар баҕалаах.
+1
+1
+1
+1
+1
+1
+1