Майа алааһыгар туруйалар «мунньахтыылар»

Ааптар: 
Бөлөххө киир:

Бу күннэргэ Мэҥэ Хаҥалас улууһуyн киинигэр Майаҕа туруйалар «мунньахтаан» эрэллэр.

edersaas.ru

«Саха сирэ» хаһыат уонна edersaas.ru саайт көхтөөх уопсастыбаннай кэрэспэдьиэнэ Зиновий Игнатьев бу дьикти түгэни оттуур алааһыгар сылдьан, видеоҕа устан ыытта уонна маннык кэпсээтэ:

Майа үрдүнэн туруйалар чугастааҕы алаастартан бэйэлэрин «дьоннорун» хомуйан, мунньан эрэллэр. Ол курдук,  киэҥ алаас үрдүнэн көтө сылдьан, ыраах соҕуруу дойдуга бараары кынаттарын бэлэмнииллэр. «Биһиги бу маннык көстүүнү сыл аайы көрөбүт. Кими да хаалларбаттар, итинник гынан барыларын ылан бараллар. Ити хомуйан баран, биир сиргэ мустан олорон, улахан мунньаҕы тэрийиэхтэрэ. Онтон бары көтөн тахсан, төрөөбүт алаастарын хаста да төгүрүччү көтөн быраһаайдаһыахтара.  Ити үс муннуктуу көтүүлэрэ — салгыны хамсаталлар. Оччоҕо атыттар салгыҥҥа бигэнэн, чэпчэкитик көтөллөр. Бастакылара — бас-көс «дьон». Дьэ, Сомоҕолоһуу диэн кинилэргэ — Ийэ Айылҕа анаан айбыт оҕолоругар туруйаларга баар.

Дьэ, кырдьык, кэрэ көстүү диэтэҕиҥ! Ол да иһин буолуо, майалар бу күн туруйалар мунньустар көтүүлэрин устан, социальнай ситимнэринэн тарҕата олороллор.

Елена ПОТОЦКАЯ, «Саха сирэ» хаһыат, edersaas.ru

Хаартыска уонна видео — Зиновий Игнатьев.

+1
0
+1
0
+1
0
+1
0
+1
0
+1
0
+1
0