Турция аатырбыт бөҕөһө Таха Акгуль Дьокуускайга ыалдьыттыаҕа

Дмитрий Коркин кэриэһигэр онус үбүлүөйдээх турнирга Армения, Болгария, Германия, Греция, Грузия, Польша, Румыния, Финляндия, Кытай, Индия, Соҕуруу Корея, Эстония, АХШ, Афганистан, Белоруссия, Казахстан, Кыргызстан, Монголия, Молдова, Турция, Израиль, Япония уонна Венгрия хамаандалара кытталларын бигэргэтэн олороллор.

Балаҕан ыйын 30 — алтынньы 1 күннэригэр Дьокуускайга ыытыллар күрэхтэһиигэ аан дойду, Европа, Азия чөмпүйэнээттэрин кыайыылаахтара кыттыахтара. Ол курдук, Турция биллиилээх бөҕөһө, олимпийскай оонньуулар чөмпүйүөннэрэ, аан дойду чөмпүйэнээтин икки төгүллээх кыайыылааҕа, Европа уонна Европа оонньууларын чөмпүйүөнэ Таха Акгуль 125 киилэҕэ диэри ыйааһыҥҥа тустара күүтүллэр.

Роман Попов, «Саха сирэ» хаһыат