Уопсастыба

Турцияҕа сынньана барааччыларга 2020 сылтан сыана ыарыаҕа

Бу дойду сылаас муоратыгар сөтүөлүү, күҥҥэ сыламныы барааччылар 2020 сыл муус устар 1 күнүттэн гостиницаларын нүөмэрин сыанатыттын 1%, онтон 2021 сылга 2% нолуок төлүүр буолуохтара. Ол туһунан тустаах сокуон таҕыста диэн “МК.РУ” иһитиннэрэр.  https://www.mk.ru/economics/2019/12/09/otdykh-v-turcii-oshhutimo-podorozhaet.html

edersaas.ru

Гостиницалар, сынньалаҥ дьиэлэрэ нолуок харчытын туспа докумуон оҥорон,  Турция бүддьүөтүгэр ыытыахтара. Онон Арассыыйа олохтоохторо сөбүлээн сынньанар сирдэригэр кэлэр сылтан сыана үрдүүрэ күүтүллэр.

Арассыыйа туроператордарын түмсүүтүн вице-бэрисидьиэнэ Дмитрий Горин этэринэн, нолуок гостиницаларга эрэ буолбакка, атын төлөбүрдээх өҥөлөргө барыларыгар киириэн сөп. Итинэн сылыктаатахха, экскурсия, хамам сыаната эбиллэр буолуохтаах.

Санатан эттэхэ, Арассыыйаҕа 2018 сылтан Краснодарскай, Ставропольскай кыраай, Крым, Алтай курортарыгар сынньана кэлбит дьонтон күн ахсын 10-100 солкуобайга диэри төлөбүр хомуйаллар. Италияҕа, Францияҕа итинник төлөбүр ааспыт үйэттэн баар.

Турция эмиэ кинилэр холобурдарын батыһан саҥа нолуогу киллэрдэҕэ.

«Саха сирэ», edersaas.ru

 

0
0

Добавить комментарий