Бүгүн, олунньу 1 күнүгэр, «Саха» НКИХ ханаалыгар 11.00 чаастан СӨ бырабыыталыстыбатын 2019 сыллааҕы үлэтин отчуоттаата.
«Туртас ахсаана наһаа элбээн, бу ааспыт кыһын оппутугар улахан хоромньуну оҥордо. Олохтоох бырабыыталыстыба манна туох көрүүлээҕий?», — диэн Горнай улууһуттан Петр Тимофеев быһа эпиир сибээһигэр таҕыста.
Экология миниистирэ Сахамин Афанасьев Саха сиригэр бу ааспыт сыллааҕы көрдөрүүнэн 36 тыһыынча туртас бэлиэтэнэрин, күһүн 2019-2020 сылларга бултуурга 1600 лицензия булчуттарга бэриллибитин эттэ. 2020-21 сылларга туйахтааҕы бултуур лицензияны туспа бэлиэтэнэрин, Федеральнай сокуон көмүскүүрүнэн, туртаһы кубуотата суох бултуур көҥүллэммэтин уонна дьон хаһаайыстыбатын хаһаас отун туртастар сиэн көҕүрэтэллэрэ уустуктары үөскэтэрин бэлиэтээтэ. Хасааһы харыстыыр сыалтан күрүө-хаһаа туртас сатаан киирбэт гына оҥоһуллуон наадатын ыйда.
Ульяна ЗАХАРОВА, edersaas.ru