Туртаһы бултаан, дьыалаҕа эрилиннэ
· - Бэрээдэк - Олох-дьаһах

Туртаһы бултаан, дьыалаҕа эрилиннэ

Бултааһын бэйэтэ туспа сокуоннаах, көрүҥнэринэн көрөн, анал болдьохтоох. Ону кэстэххэ, административнай биитэр холуобунай эппиэтинэскэ тардыллыахха сөбүн бултааһыҥҥа сыһыаннаах эр киһи барыта билэр буолуохтаах.

edersaas.ru


Хаҥалас улууһун борокуратуурата РФ Холуобунай кодексатын 258-с ыст. 1 чааһын «а» пуунунан, ол эбэтэр, бөдөҥ кээмэйдээх хоромньуну таһааран туран, сокуоннайа суохтук бултааһын бэлиэтэ баарынан, тэриллибит холуобунай дьыаланы сокуоннай уонна оруннаах диэн быһаарбыт.

Силиэстийэ сабаҕалыырынан, бу дьыл бэс ыйыгар Хаҥалас полициятын ГИБДД иниспиэктэрдэрэ былааннаммыт рейдэ кэмигэр тохтоппут биир массыыналарыттан атыыр туртас этин, ону кытары сааны уонна ботуруоннары булбуттар.

Ити чахчыны бэрэбиэркэлээһин түмүгэр, туртаһы, массыынаҕа баар үс киһиттэн биирдэстэрэ бултаабыта биллибит. Туртаһы бултуур болдьох ааспытын кэнниттэн (туртаһы бултааһын ыам ыйын 20 күнүттэн бэс ыйын 10 күнүгэр диэри көҥүллэнэр). Бу гражданин ити сокуоннайа суох бултааһынынан 60 тыһ. солк. суумалаах хоромньуну оҥорууга уорбаланар.

Бу чахчынан тэриллибит холуобунай дьыала хаамыыта Хаҥалас улууһун борокуратууратын хонтуруолугар сылдьар. Бу туһунан СӨ Борокуратууратын пресс-сулууспата иһитиннэрдэ.

РФ Холуобунай кодексатын 258-с ыст. 1 чааһын «а» пуунунан көрүллэр накаастабыл миэрэ:

  • 200 тыһ. солк. суумаҕа диэри биитэр буруйдаах 18 ыйга диэри ылар хамнаһын кээмэйинэн ыстараап;
  • Биитэр 480 чааска диэри болдьоххо булгуччулаах үлэҕэ ууруллуу;
  • Биитэр 2 сылга диэри болдьоххо көннөрүнэр үлэҕэ ууруллуу;
  • Биитэр 6 ыйга диэри хаайыллыы.

Биһиги корр.,  edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

шестнадцать − четырнадцать =